कोरोना: रडे भूमीचा हा दास

घरामध्ये थांबा तुम्ही,
नका बाहेराला फिरू,
नका गावात हुंदडू ,
बांधा मनाचं वासरू.
हाथ दहादा धुवावे ,
इथे पाण्याची ही बोंब,
आम्ही पाण्याविना मरु ,
अरे कोरोन्या तू थांब.
नाही हाताला या काम ,
नाही पोटाला भाकर,
रडे भूमीचा हा दास ,
देतो खोटेच ढेकर.
गळा फाडुनिया सांगू ,
ऐकेलं काय हे शासन,
रक्त घामापेक्षा स्वस्त ,
मिळो सर्वाना राशन.
कश्या बडवाव्या थाळ्या ,
कसे पेटवावे दिवे,
जीव घेण्या गरिबाचा ,
आले विषाणू हे नवे.

किरण शिवहर डोंगरदिवे
समता नगर, मेहकर ता मेहकर
जि बुलढाणा पिन 443301
मोबा 7588565576