Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



शेतकरी बाबाची आरती

लेखनप्रकार: 
पद्यलेखनस्पर्धा-२०१४
लेखनविभाग: 
गीतरचना





शेतकरी बाबाची आरती

ओवाळा ओवाळा माझ्या शेतकरी बाबा, माझ्या कामकरी राजा
शहाणपणाचा आता, शहाणपणाचा आता तरी उघड दरवाजा ॥धृ०॥

बैलबंडी, औत खोडका हिशेब करुनी, रे बाबा हिशेब करुनी
बी-बियाणे खतं, बी-बियाणे खतं, पाणी बेरीज करुनी
जमा-खर्च, नफ़ा-तोटा गणीत करुनी, रे बाबा गणीत करुनी
शिल्लक बाकी झिरो, शिल्लक बाकी झिरो मग तू जगतो कशानी?
कर्जाखाली बुडून गेला, झाला बेंडबाजा, रे बाबा झाला बेंडबाजा
शहाणपणाचा आता, शहाणपणाचा आता तरी उघड दरवाजा ॥१॥

चांभार-खाती-म्हाली-वठ्ठी सारे देऊनी, रे बाबा सारे देऊनी
तुरीचा कोंडा हाती कांदा ठेवली आखन भरुनी
मीठ मिरची वाटून खाशी आतरवड्याची, रे बाबा आतरवड्याची
का म्हणूनी खातो? का म्हणूनी खातो रे बाबा भाकर कण्याची
सडकी भेद्र, किडकी वांगी खाऊन होशील का ताजा, रे बाबा होशील का ताजा?
शहाणपणाचा आता, शहाणपणाचा आता तरी उघड दरवाजा ॥२॥

जू-जूपनं वार्ती-बेड्या, माखन शिरवतं, रे बाबा माखन शिरवतं
कडबा कुटार बांधून, कडबा कुटार बांधून, भारा आणतो गवत
दांडी-टोनपं जुवाड-रुमनं, जानकुड धरूनं, रे बाबा जानकुड धरूनं
नांगर-वखर करून, नांगर-वखर करूनी वावर टाकलं पेरून
किटकनाशक मारुनी पीक वाढलं जोमान, रे बाबा वाढलं जोमान
व्याजावरती व्याज, व्याजावरती व्याज लाऊनी लुटलं चोरान
तुमच्याहाती कष्ट, गुंड मारती मजा, रे बाबा मारती मजा
शहाणपणाचा आता, शहाणपणाचा आता तरी उघड दरवाजा ॥३॥

रसिकाही सांगे आता ऐका रे बाबा, आता ऐका रे बाबा
एक होऊनी सारे, एक होऊनी सारे घेऊ दिल्लीचा ताबा
गादीवरती बसवू आता शेतकरी राजा, माझा कामकरी राजा
शहाणपणाचा आता, शहाणपणाचा आता तरी उघड दरवाजा ॥४॥

- रसिका किशोर ढगे (उलमाले)
-----------------------------------------------------

Share

प्रतिक्रिया