Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
१० वे अ. भा. मराठी शेतकरी साहित्य संमेलन गुरुकुंज मोझरी येथे

YFPCL


अधिक माहितीसाठी 
http://yugatma.sharadjoshi.in/  
येथे भेट द्या.



भाकर आणि चटणी

लेखनप्रकार: 
पद्यलेखन स्पर्धा-२०१७
लेखनविभाग: 
गझल

पेटतो वैशाख वणवा एक ठिणगी लागते...
जिंकतो संषर्घ मित्रा जिद्द हृदयी लागते...

केवढे जळते भुकेने ते उपाशी पोट अन्
आपल्याला जेवल्यावर रोज जळकी लागते...

ती जवळ नसली तरीही ती मला सांभाळते
एकटेपण वाटले की एक उचकी लागते...

माणसांनी पाहिजे तो रंग देवाला दिला
देव म्हणतो का? पताका फक्त भगवी लागते...

चोचले ठाऊक नाही या जिभेला माझिया
लागल्यावर भूक भाकर आणि चटणी लागते...

राहणी ह्या माणसांची उंच झाली केवढी
बंगल्यांच्या अंगणाला आज फरशी लागते...

आत्महत्येने बळीची जिंदगी मेल्यावरी
कोणत्या चौकात सांगा मेणबत्ती लागते...

...... निलेश कवडे अकोला

Share

प्रतिक्रिया