Skip to main content Skip to footer
Home

Search form

Main menu

  • ताजे अद्यतन
  • लेखनस्पर्धा-२६
    • समग्र लेखनस्पर्धा 2014 ते 2025
  • साहित्य संमेलन
  • नवे लेखन
  • वाङ्मयशेती
  • लोकप्रिय लेखन
  • शेतकरी गीत
  • संक्षिप्त परिचय

Welcome User Block

🙏 नमस्कार पाहुणे ! शेतकरी, शेती अभ्यासक, रसिक आणि सारस्वतांच्या दुनियेत आपले स्वागत आहे. 🙏

कान पकडू नये

Main page content

गंगाधर मुटे
By गंगाधर मुटे | 8:32 PM IST, Fri July 15, 2011

कान पकडू नये




आता कुणी कुणाचे कान पकडू नये

वादात या कुणीही सहसा पडू नये



ते दान का मिळाले? जे टाळले सदा

असले पुन्हा नव्याने सहसा घडू नये



शोधेन मीच माझा, रस्ता पुन्हा नवा

त्या मूक दर्शकांनी सहसा रडू नये



निद्रिस्त मीच केल्या माझ्याच जाणिवा

संवेदनेवरी या मीठ रगडू नये



कोणास कोण प्याले, कळतेच ना कधी

नातेच बाटलीशी सहसा जडू नये



म्हणतात वाहवा, व्वा! स्त्रीरम्य वेड ते

सच्चा विचार सहसा का आवडू नये?



सजतात रोज येथे कित्येक मैफ़िली

कोणास न्याय्य मुद्दा का सापडू नये?



झाले अता पुरेसे, ते बोलले बहू

बाळंत होत ना ती, चर्चा झडू नये



सोसून ऊन वारा, अंकूरतो अता

कोंबेजण्याच आधी सहसा सडू नये



आता कुठे जरासा झालोय मुक्त मी

पायास साखळ्यांनी परत जखडू नये



माझ्याकडे मुळीही किल्ल्या न शिल्लकी

माझ्याविना कुणाचे सहसा अडू नये



हे अन्न सात्त्विकाचे ये ’अभय’ भोजना

मंगल अशा प्रसंगी सहसा दडू नये



                                   - गंगाधर मुटे

………………………………………………

वृत्त : विद्युल्लता

काफिया : पडू

रदीफ : नये

लगावली : गागाल गालगागा गागाल गालगा

………………………………………………
baliraja
बळीराजा
गझल
Marathi Gajhal
Gazal
मराठी गजल
गजल
Gajhal
गंगाधर मुटे
वाङ्मयशेती
मराठी गझल
Gangadhar Mute
अभय
माझी कविता
माझी गझल निराळी
कविता
काव्यधारा
छान!

प्रमोद देव

शनीवार, July 16, 2011 - 11:07
Permalink
New

सोसून ऊन वारा, अंकूरतो अता
कोंबेजण्याच आधी सहसा सडू नये

इथे ...कोमेजण्याच... असा शब्द हवाय!
(कदाचित ग्रामीण बोलीत कोंबेजणे म्हणत असतीलही कोमेजण्याला!)
पण आपली गझल प्रमाणभाषेत असल्यामुळे हा बदल सुचवतोय.

बाकी गझल छानच झालेय.

  • Log in or register to post comments
प्रतिसादाबद्दल धन्यवाद.

गंगाधर मुटे

शनीवार, July 16, 2011 - 11:18
Permalink
New

प्रतिसादाबद्दल धन्यवाद. :)

कोमेजणे आणि कोंबेजणे हे वेगवेगळे शब्द आहेत.

कोंबेजणे = कोंब फुटणे = बियाला अंकूर येणे

( कोमेजणेचा अर्थ कोमावने, निस्तेज होणे, असा आहे ना?)

  • Log in or register to post comments
असं आहे होय?

प्रमोद देव

शनीवार, July 16, 2011 - 11:44
Permalink
New

कोंबेजणे हा शब्द माहीत नव्हता...कोंब फुटणे हे माहीत होते....पण त्याचा कोंबेजणे असाही शब्द बनू शकतो,किंबहुना तो तसा वापरात आहे हे माहीत नव्हतं..
मला वाटलं की अंकुरलेल्या कोंबाची काही प्रतिकूल कारणाने कोमेजणे ही प्राथमिक प्रक्रिया असावी आणि सडणे ही शेवटची...त्यामुळे अंकुरताक्षणीच सडणे योग्य नाही...असा काहीसा अर्थ वाटला.

सोसून ऊन वारा, अंकूरतो अता
कोंबेजण्याच आधी सहसा सडू नये

ह्यातल्या पहिल्या ओळीत आपण अंकुरतो अता म्हटलंय....म्हणजेच कोंब फुटलाय असा अर्थ होतो...त्यामुळे पुढच्याच ओळीतला कोंबेजण्याचा अर्थ मला कोमेजणे असा असावा वाटला....गजलेच्या दोन ओळीत विरोधाभास...झटका असतो असे कुठेसे वाचलेले असल्यामुळे..तसे वाटले.

असो आपल्या खुलाशाबद्दल मन:पूर्वक धन्यवाद!

  • Log in or register to post comments
सोसून ऊन वारा, अंकूरतो

गंगाधर मुटे

शनीवार, July 16, 2011 - 13:19
Permalink
New

सोसून ऊन वारा, अंकूरतो अता
व
सोसून ऊन वारा, अंकूरलो अता

या दोन ओळीत फरक आहे. अंकूरतो अता या शब्दाचा अर्थ मी अंकुरायचा प्रयत्न करतोय, असा गृहित धरला आहे.

( मात्र यापेक्षा अधिक स्पष्ट लिहायला हवे, हे मान्य.) :)

  • Log in or register to post comments
  • Log in or register to post comments
  • वाचनखूण साठवा
  • Like
  • 25859 views

Search

User login

CAPTCHA
हे सोपे गणित सोडवा आणि त्याचे उत्तर लिहा. उदा. 1+3 साठी, 4 लिहा.
हा प्रश्न तुम्ही मानव आहात की नाही हे तपासण्यासाठी आणि मशीनद्वारे होणारे स्पॅम/फ्रॉड अटॅक रोखण्यासाठी आहे.
  • नवीन खाते बनवा
  • Reset your password

माझे खाते (current-user)

  • माझ्या वाचनखुणा
वाचकांच्या भेटी

 
वाचकांनी आजपर्यंत दिलेल्या *Au* एकूण भेटी 

 

माझी वांगंमयशेती घाट्यात गेली परंतु माझ्या वाङ्मयशेतीला मात्र बरे भाव मिळत आहेत.
 

Find बळीराजा डॉट कॉम on Sharad-joshi-inFind बळीराजा डॉट कॉम on Abmssc-PageFind बळीराजा डॉट कॉम on FacebookFind बळीराजा डॉट कॉम on TwitterFind बळीराजा डॉट कॉम on Youtube

Who's online उपस्थित सदस्य

बळीराजावर सध्या 0 सदस्य उपस्थित आहेत.

Visitors Online/उपस्थित पाहुणे

  • सध्या साईटवरील लेखन वाचण्यासाठी उपस्थित पाहुणे: 13 *
Who's new नवीन सदस्य
  • Gauspasha Shaikh
  • anil Sanap
  • Dhirajkumar Ra…
  • 9921399797
  • डॉ. मीरा पंडित

Recent comments ताजे प्रतिसाद

  • अस्सल वऱ्हाडी मातीचा सुगंध आणि ग्रामीण संस्कृतीचा जिवंत ठेवा
    8 hours 8 minutes ago
  • आपण चुकीच्या लिंकवर पोस्ट…
    12 hours 47 minutes ago
  • धन्यवाद
    3 days 15 hours ago
  • लेखणीने लढाईस सज्ज व्हावे!
    3 days 15 hours ago
  • आता तयार व्हावे
    3 days 15 hours ago

शुभारंभ - FT2

संकेतस्थळ शुभारंभ : मिती वैशाख कृ.६, रोज सोमवार, दिनांक २३ मे २०११, वेळ - सकाळी ८.२९    ©लेखनाचे सर्व हक्क प्रकाशकाचे स्वाधीन.   नियमावली

Footer menu

  • Contact

Copyright © Baliraja.Com - All rights reserved

Developed and Designed by : Gangadhar Mute For Sheti Arth Prabodhini अ.भा.मराठी शेतकरी साहित्य चळवळ