गझल : ओस पडली प्रेम सदने

गझल : ओस पडली प्रेम सदने

जर करोना हा खरा तर वाचतो माणूस का रे?
का मरत नाहीत मग हे औषधाविन लोक सारे!

शिंक माझी ही जुनी पण वादळासम आज झाली.
ओस पडली प्रेम सदने विलग झाले चाहणारे.

धन म्हणा वा बंध आता निघुन गेले जवळचे,
माणसाने पाहिले जे दूरचे आकाश तारे.

दौड सारी थांबली शेतीमधेही आजवरची,
या करोनाने थबकले वाहणारे धुंद वारे.

कोलमडली जर व्यवस्था अर्थ तंत्राची अशी तर,
पुर्ण कोरे होत नाही आज 'धीरज' सातबारे.

गझलकार

धिरजकूमार ताकसांडे, हिंगणघाट, जिल्हा. वर्धा