कधी जागेल सरकार
कधी जागेल सरकार
अशी कशी ही माझी शेती, कवडीमोल जातया मोती
नाही कुणाचा आधार
माझ्या शेतीचा बाजार, कधी जागेल सरकार।। धृ।।
कष्ट करूनी दिनरात काय उरतया हाती
भाव पाडुनी मालाचे अनुदान मारतया माथी
हवे कष्टाचे हो दाम नको असले हे अनुदान
नाही घेणार माघार
माझ्या शेतीचा बाजार कधी जागेल सरकार।। १।।
खर्च वाढलाय शेतीचा कर्जात पोसतो ही शेती
कवडीमोल भावात जाते रे पिकवलेले हे मोती
हृदयात सदैव घाव ओसाड झालिया गाव
कर्जातच रे संसार
माझ्या शेतीचा बाजार कधी जागेल सरकार।। २।।
- Read more about कधी जागेल सरकार
- 2 comments
- Log in or register to post comments
- 5702 views

Recent comments ताजे प्रतिसाद