Skip to main content Skip to footer
Home

Search form

Main menu

  • ताजे अद्यतन
  • लेखनस्पर्धा-२६
    • समग्र लेखनस्पर्धा 2014 ते 2025
    • Index लेखनस्पर्धा-२०२६
  • साहित्य संमेलन
  • नवे लेखन
  • वाङ्मयशेती
  • लोकप्रिय लेखन
  • शेतकरी गीत
  • संक्षिप्त परिचय

Welcome User Block

🙏 नमस्कार पाहुणे ! शेतकरी, शेती अभ्यासक, रसिक आणि सारस्वतांच्या दुनियेत आपले स्वागत आहे. 🙏

हाण त्याच्या टाळक्यात पायामधला बूट : नागपुरी तडका ।।९।।

Main page content

गंगाधर मुटे
By गंगाधर मुटे | 8:09 AM IST, Fri August 05, 2011
Attachment आकार
Han tyacha talkyat-Buldana-170115.mp3 4.41 MB
हाण त्याच्या टाळक्यात 

 नागपुरी तडका ।।९।।

ऊठ मर्दा ऊठ

आवळून घे मूठ

हाण त्याच्या टाळक्यात

पायामधला बूट

सत्तेपुढे शहाणपण

जेव्हा व्यर्थ जाते

माणुसकीचे लचके तोडून

लाचखोर खाते

पौरुषाच्या नशेचे, तेव्हा लाव दोन घूट

अन्

हाण त्याच्या टाळक्यात, पायामधला बूट

अन्यायाची सीमा जेव्हा

मर्यादेला लांघते

तुझे हक्क तुडवून

तिरडीवर बांधते

शेपटी तेव्हा खाली नको, वाघासारखा ऊठ

अन्

हाण त्याच्या टाळक्यात, पायामधला बूट

पोशिंद्याच्या छाताडावर

हरामींच्या मौजा

तेव्हा राज्य करतात

लुटारूंच्या फौजा

सत्ता आणि दलालांची, कर ताटातूट

अन्

हाण त्याच्या टाळक्यात, पायामधला बूट

माय तुझी बैलावाणी

राबराबून मेली

गल्लीमध्ये मुळं अन्

दिल्लीमध्ये वेली

अभयाने शोध घे, कोणी केली लूट

अन्

हाण त्याच्या टाळक्यात, पायामधला बूट

              - गंगाधर मुटे "अभय"

=÷=÷=÷=÷=
चार/आठ/अकरा
=÷=÷=÷=÷=

शेतकरी साहित्य संमेलन, अलिबाग सादरीकरण






======

अ.भा.विद्रोही साहित्य संमेलनातील कवीसंमेलन - सादरीकरण 



दिनांक १७ जानेवारी २०१५ ला बुलडाणा येथील १३ व्या अ.भा.विद्रोही साहित्य संमेलनातील कवीसंमेलनातही कविता सादर केली. उपस्थित रसिकांकडून या कवितेला उदंड प्रतिसाद मिळाला. आणि त्यांनी ही कविता अक्षरश: डोक्यावर घेतली. रसिकांना मनपूर्वक धन्यवाद.

कविता ऐकण्यासाठी येथे क्लिक करा.

Gangadhar Mute
baliraja
मार्ग माझा वेगळा
नागपुरी तडका
बळीराजा
माझी_वाङ्मयशेती
Farmer
shetkari
गंगाधर मुटे
ग्रामीण
वाङ्मयशेती
शेतकरी
शेतकरी आंदोलन
शेतकरी काव्य
शेतकरी गीत
कविता
काव्यधारा
शेतकरी काव्य
शेतकरी गीत
शेतकरी गीत-Audio-MP3
वाहव्वा मुटे साहेब

संपादक

शुक्रवार, August 5, 2011 - 23:20
Permalink
New

मिसळपाववरील parag p divekar यांचा प्रतिसाद

वाहव्वा मुटे साहेब

एकदम ए के ४७ काढल्यासारखी वाटतीये.समरगीत /युद्धगीत काय म्हणाल ते म्हणा...पण अतिशय प्रभावी आहे.
शब्दाशब्दातून भावना प्रकट झालीये.

शेवटच्या कडव्यात तर या मागची आख्खी भावना/वेदना टाहो फोडून बाहेर आलेली आहे.

वाहव्वा अतिशय मर्मग्राही व परीणामकारक काव्य.

  • Log in or register to post comments
लय भारी!!

संपादक

शुक्रवार, August 5, 2011 - 23:23
Permalink
New

मिसळपाववरील नगरीनिरंजन यांचा प्रतिसाद

लय भारी!! एकेक कडवं ठासून भरलेल्या दारूच्या स्फोटात उडालेल्या तप्त तोफगोळ्यासारखं आहे.

  • Log in or register to post comments
कविता अत्यंत घणाघाती

संपादक

शुक्रवार, August 5, 2011 - 23:24
Permalink
New

फेसबुकवरील फेस बुके यांचा प्रतिसाद

आपली ही वीर रसातील कविता अत्यंत घणाघाती की काय म्हणतात,तशी वाटली.मनापासून अभिनंदन.

पौरुषाच्या नशेचे, तेव्हा लाव दोन घूट !

आता हे काही मनाला पटले नाही.पौरुष हे असतेच.त्याचे 'घुट' कशाला लावावे लागतात?हे समजले नाही.मला तर आधी व्हिस्कीचे घुट आहेत की काय असे दिसले.आता माझी दृष्टी थोडी अधू आहे,त्याला माझा नाईलाज आहे.आपली कविता सध्याच्या ज्वलंत परिस्थितीत अत्यंत प्रेरणादायी ठरावी.मला ओघातच लहानपणी वाचलेली कविता आठवली.शिरवाडकरांची-

"मोरासारखा छाती काढून उभा रहा.
तिच्या नजरेत नजर घालून पहा.
सांग तिला तुझ्या मिठीत स्वर्ग आहे सारा...

प्रेम कर भिल्लासारखं,बाणावरती खोचलेलं,
मातीमध्ये उगवूनसुध्दा मेघापर्यंत पोचलेलं!"(कुसुमाग्रज)

आता यात ओळी थोड्या इकडे तिकडे झाल्या असतील.तर एवढे क्षम्य असणारच.आता ही कविता मला का आठवली हा एक महान दुर्बोध प्रश्नच आहे.कदाचित या प्रतिक्रियेइतकाच.तर ते अर्थातच असो. एक चांगली कविता!
आपल्या वाड:मय शेतीत कवितांचे असेच मनमुराद पिक येवो ही शुभेच्छा.धन्यवाद.

  • Log in or register to post comments
कवितेतिल 'अन' शब्दाने फार परीणाम साधलाय.

संपादक

शनीवार, August 6, 2011 - 12:35
Permalink
New

मिसळपाववरील सौंदर्य यांचा प्रतिसाद

तुमच्या कवितेतिल 'अन' शब्दाने फार परीणाम साधलाय, जस एखाद्याने घोषणा द्यावी अन अनुयायांनि त्याला साथ द्यावि तसे वाटते.

तुम्ही 'अन' पर्यंत कविता म्हणावी आणि आम्ही तुमच्या 'अन' नंतर अन्यायाच्या माथी बुटाचा तडाखा द्यावा असे काहीसे वाटले.

खूप दिवसांनी अशी विरश्रीपुर्ण कविता वाचायला मिळाली.

  • Log in or register to post comments
अजुन वीररस संपला नाही.

संपादक

शनीवार, August 6, 2011 - 12:37
Permalink
New

मिसळपाववरील अभिजीत राजवाडे यांचा प्रतिसाद

हल्ली वीररसातील कवितांचा अभाव दिसुन येतो. हि कविता वाचुन मनाला खात्री होते कि अजुन वीररस संपला नाही.
कविता प्रकाशित केल्याबद्द्ल खुप खुप आभार.

  • Log in or register to post comments
छान.

प्रा.डॉ.दिलीप बिरुटे

सोमवार, August 8, 2011 - 18:34
Permalink
New

नागपुरी तडका बाकी जोरदरा झालाय.
अजून येऊ द्या.

-दिलीप बिरुटे

  • Log in or register to post comments
लई भारी..तुफानी,

अनिलमतिवडे

गुरुवार, August 11, 2011 - 10:47
Permalink
New

मुटेजी,
लई भारी..तुफानी, मर्मावर घाव घालणारी कविता !
या ओळीं वाचुन या पोशींद्याची लेकरं आता नक्कीच आणखीन पेटुन उठतील यात शंका नाही. :)

  • Log in or register to post comments
अ‍ॅक्शनपॅक्ड कविता

संपादक

गुरुवार, August 11, 2011 - 10:53
Permalink
New

मायबोलीवरील देवनिनाद यांचा प्रतिसाद.

सणसणीत आणि तितकीच एक अ‍ॅक्शनपॅक्ड कविता ... वा !! मुटेसाहेब ..

  • Log in or register to post comments
मस्त!! अप्रतिम

अतुल कडलग

शुक्रवार, October 21, 2011 - 22:15
Permalink
New

एकदम मस्त झाला आहे नागपुरी तडका !!! ..

  • Log in or register to post comments
सुन्दर अति अप्रतिम

Kushagra Mungee

मंगळवार, September 4, 2012 - 16:44
Permalink
New

श्री मुटे साहेब,

अप्रतिम, सणसणित आणखीन तेवढीच मनाला पूर्णपणे बांधून ठेवणारी .

श्री प्रमोद देव, ह्यांनीही छान प्रस्तुतीकरण केलंय.

  • Log in or register to post comments
धन्यवाद

गंगाधर मुटे

शुक्रवार, February 22, 2013 - 10:39
Permalink
New

प्रतिसादाबद्दल सर्वांना मनपूर्वक धन्यवाद. :)

  • Log in or register to post comments
फेसबूक लिंक

admin

शनीवार, July 16, 2022 - 08:59
Permalink
New

फेसबूक लिंक
https://www.facebook.com/gangadharmute/videos/3114344185256915/
https://www.facebook.com/gangadharmute/posts/pfbid0npHGW8JUSDV2tzjh21cc…

  • Log in or register to post comments
  • Log in or register to post comments
  • वाचनखूण साठवा
  • Like
  • 46321 views

Search

User login

CAPTCHA
हे सोपे गणित सोडवा आणि त्याचे उत्तर लिहा. उदा. 1+3 साठी, 4 लिहा.
हा प्रश्न तुम्ही मानव आहात की नाही हे तपासण्यासाठी आणि मशीनद्वारे होणारे स्पॅम/फ्रॉड अटॅक रोखण्यासाठी आहे.
  • नवीन खाते बनवा
  • Reset your password

माझे खाते (current-user)

  • माझ्या वाचनखुणा
वाचकांच्या भेटी

 
वाचकांनी आजपर्यंत दिलेल्या *Au* एकूण भेटी 

 

माझी वांगंमयशेती घाट्यात गेली परंतु माझ्या वाङ्मयशेतीला मात्र बरे भाव मिळत आहेत.
 

Find बळीराजा डॉट कॉम on Sharad-joshi-inFind बळीराजा डॉट कॉम on Abmssc-PageFind बळीराजा डॉट कॉम on FacebookFind बळीराजा डॉट कॉम on TwitterFind बळीराजा डॉट कॉम on Youtube

Who's online उपस्थित सदस्य

बळीराजावर सध्या 2 सदस्य उपस्थित आहेत.
  • admin
  • sandip-7829

Visitors Online/उपस्थित पाहुणे

  • सध्या साईटवरील लेखन वाचण्यासाठी उपस्थित पाहुणे: 30 *
Who's new नवीन सदस्य
  • spatil
  • BHAUPATIL Gadakh
  • sandip-7829
  • laxman18
  • Gauspasha Shaikh

Recent comments ताजे प्रतिसाद

  • अत्यंत अभ्यासपूर्ण, वाचनीय आणि तितकाच संवेदनशील
    1 hour 45 minutes ago
  • अप्रतिम आणि काळजाला थेट भिडणारी रचना!
    1 hour 49 minutes ago
  • दळवी सरांची दिवाबत्ती सुंदर…
    2 hours 12 minutes ago
  • लोकांना काय सांगू?
    4 hours 28 minutes ago
  • मातीच्या कुशीत रुजलेले स्वप्न
    5 hours 19 minutes ago

शुभारंभ - FT2

संकेतस्थळ शुभारंभ : मिती वैशाख कृ.६, रोज सोमवार, दिनांक २३ मे २०११, वेळ - सकाळी ८.२९    ©लेखनाचे सर्व हक्क प्रकाशकाचे स्वाधीन.   नियमावली

Footer menu

  • Contact

Adsense

Copyright © Baliraja.Com - All rights reserved

Developed and Designed by : Gangadhar Mute For Sheti Arth Prabodhini अ.भा.मराठी शेतकरी साहित्य चळवळ