छंदमुक्त कविता- धावपट्टी

वादळांशी युद्ध लढण्या, पक्षी उडाले होते
पंख तयांचे पार,छाटून निघाले होते

शिवाराचे होऊनि टक्कल
त्याची धावपट्टी झाली

दिल्ली-मुंबईचे राजहंस आले
आता 'कासवास' पळायला शिकविनार होते

पुढे 'कासव' मागे विमान होते
देह 'अपंग' पडला खाली
पुढे आत्मा 'कासवाचा'
मागे विमान होते

बघे ते सारे,'उसेन बोल्ट' होते
अभिनयवाले 'तुफान नट' होते
पांढऱ्या गाड्यांनी फिरत गर्र....होते
भ्रष्टाचाराचा काळा सोडत धूर....होते

डायनाँसोर बनुनि, परत ये एकदा !
अस्तित्व तुझे दाखवायला!
चातकासारखी वाट बघणाऱ्या,
या एका 'अभयमित्राला' भेटायला

शब्दाचा अर्थ-
वादळांशी युद्ध लढणे - संकटांवर मात करण्याचा प्रयत्न करणे या अर्थाने

राजेश जौंजाळ पोहणा जि.वर्धा

***************************