सुनील बावणे - निल

१२ वे अखिल भारतीय मराठी शेतकरी साहित्य संमेलन, जयसिंगपूर.
सहभागी होण्यासाठी "अग्रिम नोंदणी" म्हणून माझी स्वलिखित गझल

वृत्त :- मेनका

*मैत्री करावी वाटते*

आजही मैत्री करावी वाटते
माणसे हृदयात यावी वाटते

त्यागुनी अवघ्या सुखाला या क्षणी
वेदना माझीच व्हावी वाटते

पालथे घालून आलो जग जरी
अंत व्हावा जन्मगावी वाटते

सोय होते चार घासाची तरी
आजही शेती करावी वाटते

शेतमालाला अगोदर योग्य ती
वाढुनी किंमत मिळावी वाटते

राबती शेतात जे हातात त्या
शासनाची दोर द्यावी वाटते

लावुनी गेली लळा जी पाखरे
ती परत घरट्यात यावी वाटते

सातव्या वर्गात होती ती परी
एकदा पुन्हा दिसावी वाटते

तोडगा काढायला प्रश्नांवरी
विठ्ठलाची भेट घ्यावी वाटते

✍️
सुनील बावणे - निल
बल्लारपूर, चंद्रपूर