विरोचनाचा पुत्र अन्नदाता
विरोचनाचा पुत्र तू
भक्त प्रल्हादाचा नातू तू
दैत्य वंशाचा उद्धारकर्ता
जगतविख्यात बळीराजा तू..१
असुरांचा राजा तू
विनयशील अन चारित्र्यवाण
इंद्रपद का डळमळू लागले
महाबली तू किती महान...२
दानशूरूपणात तुझा डंका
वचनपूर्तीत तू कधी न ढळला
बटूक वामनाचा कावेबाजपणा
पाहताक्षणीच तू ओळखला...३
यज्ञ मंडपी याचक रूपात
जगदपालक विष्णू आले
समजावणे व्यर्थ गेले गुरुचे
तेव्हा शुक्राचार्य कमंडलू आड लपले...४
ओम भवती भिक्षा देहीचा
संकल्प केला उदार बळीने
स्वर्ग ,पृथ्वी ,नरकास
तुच्छ मानले त्याने ...५
तीन पद जागा देऊन
संकल्पाने उतराई केले
पाताळात सुतल प्रदेश देऊन
श्रीहरी बळीचे द्वारपाल झाले..६
कार्तिक शुद्ध बलिप्रतिपदा
"पाडवा" अर्धा मुहूर्त येतो
इडापिडा टळो बळीचे राज्य येवो
प्रार्थनेचा या जयघोष होतो..७
शेतमाला भाव नाही ,हे धोरण
वामनाचे ,का ओळखत नाही?
लूट होते नेहमी जाळ्यात फसतो
तरी हितचिंतकाचे का ऐकत नाही..८
बहुजनपालक, क्षमाशील
बळीराजाची कीर्ती वाढो युगे युगे
कितीक शतके आली अन गेली
अन्नदात्याचीच कथा यामागे.....९
अजित सपकाळ अकोट
जि अकोला
९७६६२०१५३९
