नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

आडून धोरणांच्या!

प्रदीप थूल's picture

असल्यामुळे न काही चोरीस सूट आता
आडून धोरणांच्या करतात लूट आता //धृ//

खाऊन तुज बळावर ज्यांची हयात गेली
ते सांगती तुला की तू चूक काय केली
कपटी अशा जनांना शोधून कूट आता //१//
आडून धोरणांच्या करतात लूट आता..

लप्पास राजनेते आहेत रे हरामी
येतात काय तुझिया बरं तूच सांग कामी
सरकारच्या थुक्यावर जगतात छूट आता //२//
आडून धोरणांच्या करतात लूट आता..

सरकार हे कुणाचे झालेच ना कधीही
करतोस पण तरीही त्यालाच तू विनवणी
हिसकून घ्यायला शिक आक्रांत तूट आता //३//
आडून धोरणांच्या करतात लूट आता..

बलदंड तू गड्या रे कर गोड भिन्नता ही
शामील संगरी हो सोडून खिन्नता ही
दावून दे ठिकाणा पाजून घूट आता //४//
आडून धोरणांच्या करतात लूट आता..

विच्छिन्न भेद सारे आता खतम करावे
जगतात या मुक़ाबिल मारून मग मरावे
घे होड़ दुश्मनांची हो एकजूट आता //५//
आडून धोरणांच्या करतात लूट आता..

वृत: आनंदकन,
(गागाल गालगागा, गागाल गालगागा)

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
गीतरचना
Share

प्रतिक्रिया